مشكلة روحية واجتماعية حساسة " الشذوذ الجنسي "

هذه المشكلة يلي بدي اطرحها كتير حساسة ومع انو المجتمع بيعاني منها بشكل مخيف لكن منلاقي المجتمع والكنيسة بتسكت عنها تماما مع انها موجودة حولنا فوق ما منتخيل
بيوم من الأيام تعرفت على شب عمره 22 سنة وكان من الشباب يلي بيجبوا الرب يسوع كتير وعنده خدمة كتير حلوة وشهادة روحية كتير عميقة وحتى بيعشق الكرازة وبيحب يخبر الناس عن عمل الله بحياته وهو شاب عربي تعرفت عليه بأحد الدول العربية اثناء خدمتي فيها.

لكن مرة اكتشفت سر كتير كبير وعميق كان مخبيه هاد الشاب .... وكان خجلان منه كتير لدرجة انو لما اعترفلي بمشكلته بلحظة انهيار نفسي كان وكأنه شخص آخر أمامي ... كان هاد الشاب يعاني من مشكلة الشذوذ الجنسي (لا يميل عاطفياً أو جنسيا للجنس الآخر وإنما لنفس الجنس ) . ولانو هاد الشخص انا بعرفه وبعرف انه بيحب الله من كل قلبه ...ولأنو نفس القص صارت مع أحد رعاة الكنائس يلي أنا بتردد عليها هون بأميركا وهاد القسيس وقع بنفس الخطية مع انو كنت شوفه أخ رائع وقسيس ممسوح.... صار عندي فضول اني ادرس الموضوع اكتر وابحث عن هاي الظاهرة يلي اكتشفت انو بيعانوا منها الشباب بالبلدان العربية بنسبة مرعبة جدا ... لكن بسبب انو هاد الموضوع كتير محرج ومرفوض بالنسبة لمجتمعاتنا الشرقية بيضل الموضوع طي الكتمان لدى الشاب وما بيسترجي يحكي عنه بسبب الخوف من رفض المجتمع اله . لكن لأسف هو مشكلة موجودة حولنا وبكنائسنا فوق ما منتخيل . وكتير من الناس يلي حولينا عندهم هاي المِشكلة يلي بتبقى سر دفين بالشاب (الشرقي خاصة) إلى الأبد. انا درست الموضوع من ناحية الكتاب المقدس وعلم النفس وعرفت معلومات قيمة بهذا المجال ... خاصة انو خدمتي الأساسية يلي وكلني الله فيها هي خدمة المشورة والشفاء الداخلي للشبيبة
لكن انا حابب الأول اسمع آرائكم ومشاركتكم بالموضوع . مشان هيك خلي الموضوع يكون نقاشي أفضل[size=29][/size]

أخي الحبيب شكراً من أجل الموضوع المهم الذي كتبته

بصراحة هذا الموضوع مهم جداً

أنا ولا مرة فكرت أني أدرس الموضوع ولكن فعلاً الموضوع بحاجة إلى دراسة

أنا لاحظت نسبة كبيرة من الشباب والشبات فيهن هيدي المشكلة

ولكن ولا مرة قد أندفعت كي أدرس الموضوع

يباركك الرب أخي الكريم شجعتني كي أدرس الموضوع

وقد زرعت لنا بادرة في سهولة الدراسة مع بعضنا البعض

أتمنى من جميع الأعضاء أن ندرس هذا الموضوع

لكي نحل هذه المشكلة

وأن نسعى أن تكون كنيسة الله كاملة من كل شوائب يبارككم الرب

سلام ونعمة الرب مع الجميع

أخي الحبيب صانع التاريخ الله يباركك

بصراحة موضوع كتير مهم من فترة كنت عم خبر شخص عن المسيح

هو شاذ جنسياً صار يقلي أنو أنا ما ألي ذنب الله هيك خلقني معناها ما في خطية

وبصراحة كتير حابب أنو أعمل دراسة عن الموضوع وأجت برجليها الرب يباركك

يلا ما دام عامل أنت دراسة بالموضوع أنت أستاذ هيدي الدراسة الرب يباركك

ناطرين الدروس شكراً جداً جداً

بالنسبة انو هاد الشخص ماله ذنب هاذا صحيح لانو الشخص ما بيختار بنفسه انو يكون شاذ لكن الظروف تحكمه

اما بالنسبة انو الله خلقه هيك .... فهاي كذبة كبيرة من ابليس
لانو المجتمع والظروف والوضع العائلي كل هاي الأمور تؤثر في ميول الغريزة الجنسية

طيب ممكن سؤال

كيف يعني الأمور العائلية والأجتماعية مثلاً بتأثر
يعني من أي ناحية
_________________
لأنه هكذا أحب الله العالم حتى بذل أبنه الوحيد لكي لا يهلك كل من يؤمن به بل تكون له الحياة الأبدية

موضوع جميل جدااااا 7itytyki

فعلا مشكلة حقيقية.....و مسكين الي بيعاني منها
ومع اني مقريتش كتير عن المشكلة دي
لكن اعتقد ان الشاذ شخص مريض و يحتاج لعلاج نفسي
وكمان محتاج علاج روحي لكسر هذا القيد
لكن فعلا محتاجة اعرف
شكرا يا صانع التاريخ.......ربنا يباركك و يستخدمك

بالنسبة لأمور العائلية او التربوية:

الشاب يلي بيولد بعائلة الأم فيها بتكون مسيطرة أو متسلطة والأب شخصيته ضعيفة (وهاي موجودة كتير بمجتمعنا ) بتخلي الشاب لما بيبلغ وبيتطلع عالبنات , لا شعوريا بيشوف بالبنت الأم المتسلطة يلي هو هربان منها فبيلاقي حاله بينفر من البنات وبيميل للشباب لاحتياجه للأب .... او مثلا الشاب يلي والده متوفي او شديد القساوة بيخليه يفتقد لحنان الأب .... والشاب يلي ما عنده اخوة شباب بيخليه احيانا يشتاق لعاطفة الأخ .... والعاطفة هي اول مفاتيح الشهوة الجنسية. او مثلا الشاب يلي بيولد بعائلة كلها بنات فمن خلال تعامله مع اخواته البنات لا شعوريا بيصير بيقلدهم لدرجة انو عقله الباطن بيخليه يفكر حاله بنت , وكبنت طبيعي يميل جنسيا للشباب
بالنسبة لأمور الأجتماعية:
بعض العادات والتقاليد بالمجتمعات الشرقية بتتطلب انو الشباب ينعزلوا عن البنات يعني الشب قليل ما بيشوف البنت خاصة بفترة البلوغ وكل يلي بيكونوا حواليه شباب . فبهالحالة لما بتبلش غرائزه الجنسية تظهر بتظهر ويلي حواليه كلهم شباب , فبتكون النتيجة !!!!
أبتسامة

وكل هاي بعض العوامل المؤثرة وهي مانها قاعدة عامة لكنها مسببات اساسية.

رائع أخي صانع التاريخ الله يباركك بصراحة عنجد كتير أستفدت من هيدا التعليم

ناطرين تعاليم أخرى كيف نحل هذه المشكلة
_________________
لأنه هكذا أحب الله العالم حتى بذل أبنه الوحيد لكي لا يهلك كل من يؤمن به بل تكون له الحياة الأبدية

كلام جميل يا صانع التاريخ
اسباب معقولة ...لكن يا تري ممكن يكون مرض نفسي؟؟؟
وهل يحتاج علاج نفسي؟؟؟
شكراً جداً جداً

الشذوذ هو حالة نفسية سايكولوجية او شيطانية ينتج بسبب فراغ معين موجود بنفس الأنسان وهو رد فعل لأمور حدثت بالماضي ادت إلى وجود جراح وأمراض نفسية او إلى دخول الأرواح الشريرة لدائرة معينة بحياة الأنسان .... وبتصور انو معظم البشر مصابين بانواع مختلفة من الشذوذ .

فالبعض لديهم نوع من الشراهة في الأكل لدرجة مرضية والبعض الآخر يميل للأستمتاع بتعذيب الآخرين والبعض يميل إلى الغيرة المرضية أو الحسد أو حب المال ..... الخ
والشذوذ الجنسي هو رد فعل لأمور كتيرة تكلمنا عنها سابقاً... بيبقى قول انو ممكن يكون الجرح نفسي (تمام متل الأصابات والأمراض والجروح الجسدية) وهاي الجروح النفسية ممكن تكون بسبب العائلة مثلا.
وممكن تكون شيطانية بسبب دخول الشخص بفترة من حياته بتلامس مع ارواح الشر بسبب سقوطه في خطية معينة او بسبب تعرضه لحادثة اعتداء جنسي .... الخ
والشذوذ الجنسي اله انواع كتير .... مثلا الشاب يلي بيحب بنات كتير وبيدخل بعلاقات مع كتير منهم بدون شبع او اكتفاء .... او مثلا الشخص يلي بيميل للأعتداء على الأطفال...او البنت يلي بتميل جنسيا لبنت اخرى (السحاقيات)
لكن بهاد الباب انا عم اتكلم على اكتر الأنواع شهرة وهي الجنسية الشبابية المثلية : شاب لشاب
اولا والعلاج الأساسي برايي لهاد الموضوع يلي بينصح فيه الأطباء النفسيين هو الأسراع في الزواج . وهاد برأيي حل علمي وسليم . لكن ما بتصور انه يكون نافع في حال كان المسبب شيطاني لانو بهالحالة هاد الشخص يحتاج مساعدة روحية بالدرجة الأولى قبل العلاج النفسي.
وبكلتى الحالتين الشخص اول شي يحتاج انو يعرف انو هاد التصرف غلط وانو الله ما خلقه هيك وانو عنده مشكلة حقيقية ...وهاد راح يكون اول خطوات العلاج (انك تدرك انك مريض)
ضروري انو المريض يعرف (بعد التوبة والتحرير) انو الله خلقه ذكر وانه شخص محبوب ومقبول , والخطأ الشائع يلي منعمله هو انو نحنا نرفض انو نختلط بهيك اشخاص ومننفر منهم وبصراحة منكون بهاي الحالة عم نؤذي هاد الشخص.
والشي الأهم انو الشخص المريض يحتاج إلى شباب مؤمنين ومتقدم روحيا يكونوا حوله وينخلط فيهم لانو العزلة تؤدي إلى تفاقم المشكلة ....وبكمل بعدين....

الرب يباركك أخي الحبيب
طيب لدي سؤال يعني هل ممكن في أشخاص يكونوا ما مارين بأي أمر من يلي
ذكرناهم بحياتهم ويكونوا شواذ
_________________
لأنه هكذا أحب الله العالم حتى بذل أبنه الوحيد لكي لا يهلك كل من يؤمن به بل تكون له الحياة الأبدية

شكرا علي المعلومات دي صديقي صانع التاريخ
لكن فية شواذ ميقدروش يتكلموا مع حد في مشكلتهم دي و انت في مقالك قلت:

[size=25]والشي الأهم انو الشخص المريض يحتاج إلى شباب مؤمنين ومتقدم روحيا يكونوا حوله وينخلط فيهم لانو العزلة تؤدي إلى تفاقم المشكلة
هل فية حل تقدر تقولة لشخص ميقدرش يتكلم مع حد تاني؟؟؟
هل لابد من استشارة طبيب نفسي؟؟؟؟
هل يقدر يتحرر من القيد دة من غير مساعدة مؤمنين؟؟؟
مع العلم ان بعض المؤمنين بيمسكوا علي الشخص زلة و مش بينسوها
شششششششششكراااااااااا لاهتمامك

تحية

[/size]

شكرا اخي آدمن وأماني على الأستفسار

برأيي يا آدمن انو في اسباب كتيرة للشذوذ الجنسي غير يلي انا ذكرتها
ولا تنسى انو الموضوع سايكولوجي والسايكولوجيا اعقد بكتير من الفسيولوجيا يعني الأسباب النفسية كتيرة ومعقدة.
ومتل ما انا ذكرت ممكن يكون السبب شيطاني نتيجة وجود باب روحي مفتوح لأرواح الشر من اجيال سابقة تعمل هالشي ... يعني مثلا ممكن يكون انتقال الأرواح من جيل إلى جيل
اما بالنسبة للعزلة فهي تؤدي لزيادة احتياج الشاب العاطفي وبالتالي بحثه عن اي شيء يسد من خلاله هاد الأحتياج مشان هيك حتى ولو لم يستطع المريض انو يبوح بسره لأي حد لسبب عدم الثقة فعلى الأقل لازم يبقى مختلط بأصدقاء شباب يروح وييجي معهم (ويكونوا مستقيمين جنسياً) حتى يبنى بدالخه الشعور بأنه راجل زيهم.
لكن لابد في حال توفر الشخص الموثوق به انو يبوح هاد الشخص بسره لانو لما يبوح المريض النفسي بمشكلته في هاذه الحالة بيكون حوالي 75 %من المشكلة قد انحل . على مبدا انو النور يفضح اعمال الظلمة (وهاد بينطبق على كل الخطايا والسلوكيات المريضة).
والشاذ جنسيا يحتاج الى شعور بالأنتماء والحب يلي بيفتقده مشان هيك اذا كنت شاب وبتعرف صديق الك عنده هاي المشكلة حتى تقدر تساعده من الضروري تظهرله انك بتحبه حب مميز وانه هو مقبول جدا لديك وكمان ضروري جداً انك تعبر عن حبك اله بين الفترة والأخرى من خلال القبلة المقدسة او اللمس او العناق على غير ما بيعتقد معظم الناس , لان الأعتقاد السائد انو ما لازم نقرب او نلمس شخص شاذ جنسيا حتى ما نؤثر عليه سلبا (وهاد اعتقاد خاطيء)
اما بالنسبة للعلاج الناتج عن قيود شيطانية فهي تحتاج لنفس النوع من العلاج النفسي لكن مع ضرورة وجود اخوة مؤمنين متخصصين بخدمة الشفاء والتحرير حتى يصلوا عليه ويدهنوه بزيت ويمارسوا سلطانهم الروحي على قوى الشر ... ثم يقدموله الرعاية المذكورة سابقا حتى ابليس ما يهاجمه او يستفرد فيه من جديد
وشكراً لأهتمامكم

شكرا صانع التاريخ
معلومات قيمة
لكن مشكلة انة لازم يبوح لحد دي مشكلة
عارف....مهما كان الشخص امين ممكن في وقت من الاوقات يطلع سرة لحد تاني
و المشكلة انة بيسقط من نظر الشخص الصديق نفسة
مسكين صاحب هذة المشكلة

[size=29]يا اماني الشخص لازم يبوح بسره لحد امين

تعرفي الشخص يلي باح لي بسره ما نزلش من عيني ابداً .... بالعكس كبر بعيني كتير
وهاد بقي سرنا للأبد ..... ومش بس هيك ! لكن زاد اهتمامي بالشخص هاد وصرت اله اكتر من أخ

شكرا صانع التاريخ علي امانتك مع هذا الشخص و اهتمامك بة
وشكرا لأنك لم تنظر الية علي انة عاهة بين البشر
أحييك من كل قلبي و أقدر أمانتك
لابد أن يكون هذا الخادم ناضج ...ويعرف كيف يكتم السر
7itytyki

الرب يباركك يا صانع التاريخ شكراً لك جزيل الشكر على البركات الرائعة
_________________
لأنه هكذا أحب الله العالم حتى بذل أبنه الوحيد لكي لا يهلك كل من يؤمن به بل تكون له الحياة الأبدية

موضوع رائع رائع رائع

عن جد أنا ما ضل شي حتى إحكي أو ناقشو بهاد الموضوع
شكرا كتير صانع التاريخ لإغناء المنتدى بمواضيعك القيّمة
والرب يباركم لكل الي ناقشوا بالموضوع ودرسوه..

[size=29]انا شاب 24 سنه اعانى من الشذوذ واعترفت بيه لاب اعترافى ولكن كل ما احاول ابتعد عنه ارجع وافكر فيه حتى انى بحاول اتعرف على بنات واحبهم

بس لاسف حبى للاولاد اكبر طيب اعمل ايه ساعدونى انا متوتر ةقلق جدا لانى حاسس انى لا استطيع الزواج من شابه]

ارجو مساعدتى واخذ رائيكم
وصلاتكم
لى
فانا تعبان جدا

آمين أخي الفاضل بإمكانك مراسلتنا بمشكلتك عبر البريد الألكتروني

jesus.for.all.1@gmail.com
و نحن سوف نراسلك أيضاً و نساعدك بنعمة ربنا يسوع المسيح
_________________
لأنه هكذا أحب الله العالم حتى بذل أبنه الوحيد لكي لا يهلك كل من يؤمن به بل تكون له الحياة الأبدية